Shillong, K’lyngkot 10: Ka Party Congress lyngba ka Meghalaya Pradesh Congress Committee (MPCC), mynta ka sngi ka la pyllait ia ka kyrteng jong 11 ngut ki kyrtong ki ban sa iakhun ha ki Constituency bapher bapher bad kiba hap hapoh ka Khasi Hills Autonomous District Council (KHADC).
Kane ka dei ha ka sien kaba ar jong ka jingpyllait ka MPCC ia ka kyrteng jong kitei ki 11 ngut ki kyrtong MDC ki ban sa iakhun ha ka KHADC, ka kyrteng jong kitei ki 11 ngut ka kynthup ia ka kyrteng jong u Bah Victor Ranee, uba ban sa iakhun na Jirang Constituency, u Bah Micky Dauglas Syiem na Umroi, u Bah Lamborsing Nongrum na Nongkrem, u Bah Rilang Nongkhlaw na Langkyrdem Laitkroh, u Bah Monarch Shabong na Nongskhen, u Bah Batskhem Marbaniang na Mawsynram, u Bah B. Virtus Rymbai na Sohra, u Bah George Sun na Mawphlang Diengiei, u Bah G. Morningstar Marthong na Nongstoin, u Bah Kodang Rashir na Mawshynrut bad u Bah Pherdonnam Rngad u ban sa iakhun na Langrin Constituency.
Katba ha ka Jaintia Hills Autonomous District Council (JHADC), la pynbna ia 5 ngut ka kyrteng jong ki Kyrtong, kaba kynthup ia u Bah Bitos Sari, u ban sa iakhun na Mukhla Ummulong, u Bah Katbanbiang Lamare na Nartiang, u Bah Richard Lyngdoh na Mynso Nongjngi, u Bah Sardon Paswet na Jowai South bad u Bah Lalwilliama Thiatte, u ban sa iakhun na Saipung Nongkhlieh.
