Shillong, Kyllalyngkot 11: Ka National People’s Party (NPP) mynta ka sngi ka la pynlait paidbah ia ka thup kyrteng kaba ar jong ki 7 ngut ki kyrtong ki kyrtong kiban aireng ha ka ileksion MDC kaban long ha ka 21 tarik u Rymphang 2025.
Na ka liang ka NPP ka la pynbna paidbah ia ki 45 ngut ki kyrtong kiban aireng ha kane ka ileksion sha ka Iingdorbar jong ka Khasi Hills Autonomous District Council (KHADC) bad sha ka Jaintia Hills Autonomous District Council.
Napdeng ki kyrteng jong ki kyrtong ba la pynbna da ka NPP, ki kynthup ia u Bah Sosthenes Sohtun, u ba dei u MLA ka Jirang Konstituensi u ba la shimti ban long kum u kyrtong ka party napoh Jirang Konstituensi kumba la mon lang da ki nongialam bad nongkyrshan ka NPP Jirang Block.
Kiwei kiwei ki kyrtong ba la pynbna paidbah da ka NPP ki kynthup ruh ia u Bah Samlin Malngiang MLA barim ka Sohiong, ka Dr. Amanda Annete Pakynteiñ na Mawrynkneng, u Bah Joplin Sten na Mawhati, u Elias Kharbihkhiew na Sohryngkham Mawrynkneng, Sharailang Warjri na Mawthadrishan bad u Kordor L Nongkynroh na Mawkhar Pynthorumkhrah.
