Nongpoh, Lber 15: Haka Lympung ïakura kaba la tip ka “ASMITA Boxing City League” promotion of sports among women ki thei ïakura na them ri bhoi ki la pyni shisha ïaka sap ka phong kaba ki don da kaba shim bynta shitrhem ha katei ka lympung bad la sakhi ruh iaka ki sap ïa kura kaba shyrkhei naki khynnah kynthei kiba la kiew haka rynsan jong katei ka lympung ban ki la ïa khun tyngeh ruh ban khur ïaka nam jop.
Ïa kane ka lympung la pynlong mynta sngi daka Ophis u District Sports Ophis, Nongpoh haka jing ïa snohkti lang bad Directorate of Sports and Youth Affair, Meghalaya lem bad ka Khelo India Center, Bhoirymbong, bad ïa katei ka lympung la pynlong kyrpang naka bynta ki samla kynthei kum shibynta ban ai mynsiem bad ban kyntiew ïaka jingïalehkai sports jong ki khynthei hapoh ka Jylla Meghalaya.
Ïa kane ka lympung ïa kura kaba shisngi la pynlong ha NSCA Indoor hall, Umlyngkdait bad la wan ban sakhi ruh da ka kong Magaret Pathaw ka snar ïa khun kti jong ka ri bad jong ka jylla lem bad ki nongtrei jong ka tnad sports, Nongpoh.
Kum shibynta ban ai mynsiem shuh ïa ki nongïalehkai lane ban pynpaw shuh shuh ïa kane ka jingïalehkai Boxing, Ha kane ka lympung ka la don ka jingiakhun paralok jong ki rang ïa kura lane ka Demonstration Match bad ïaki thei ïa kura kiba ïoh ban khur ïa ka nam jop la sam ïaki daki takma ha ryngkat bad ki syrnod.
