Nongpoh, Jylliew 3: Na ka jingïaid buddien bad ka jingtrei shitom ki PUlit ka Ri Bhoi, ki 2 ngut ki Koidi ba la lait phet na Civil Hospital Nongpoh, ha ka por ba dang leit phah sumar ki la shah kem biang ha ki Pulit ka Ri Bhoi na Goalpara, Assam.
Ïa kane la pyntip da u heh Pulit ka Ri Bhoi, u V.S Rathore haba phah ïa ka kyrwoh sha ki lad pathai khubor.
Kine ki 2 ngut ki Koidi ba la lait phet ki kynthup ïa u Sunil Das, 29 snem ka rta, uba dei na Goalpara Assam uba la shah kem biang ha ka 29 tarik u Jymmang 2025. Ka jingioh kem ïa une u Koidi ka dei ruh na ka jingïarap lang ki Pulit ka North Garo Hills. Kumba la pynpaw, u Sunil Das, uba la shah rai pynrem ka dei halor ka case ba la register ha Nongpoh Women Police Station katkum ka Case no. 48(03)2022, Section 224 ka IPC. U la shah rai pynrem biang katum ka Case ba la register ha Nongpoh Women Police Station katum ka POCSO Act (Case No. 07(12)2018, Sections 5(l)(m)(n)/6), ba la rai pynrem ruh ban set phatok ïa u shi jingim.
Uwei pat u Koidi ba la lait phet la tip kyrteng kum u Pappu Chettri, 32 snem ka rt ana ka shnoing Mawsyntai. Une u Koidi u la shah register case ha Nongpoh Police Station katkum ka Case No. 59(10)2019) ha ka Section 341/363/376(2)(i) ka IPC.
La ïathuh ruh ba kine ki Koidi ki dei kiba lait phet ha kajuh ka sngi, kata ha ka 15 tarik u Naiwieng 2024 katba ki dang ïalam ban sumar ha Civil Hospital Nongpoh bad la ioh kem biang ïa ki da ka jingïarap ki Pulit ka North Garo Hills ha kaba la ioh kem na Goalpara Assam, ba ki la pyndonkam da kawei pat ka kyrteng ban lait na ka jingshah thwet ha ki Pulit.
Shuh shuh, la ong ruh ba ïa u Sunil Das hadien ba la ioh kem la phah noh sha District Jail Mawsyntai katba ïa u Pappu Chettri kin sa phah la shai, namar ka kynhun Pulit ba leit kem ki dang wan phai na Goalpara bad kin sa phah shuwa sha ka Court bad hadien kata kin sa leit buh biang sha District Jail, ong ka kyrwoh na u Heh Pulit ka Ri Bhoi.
