Ka long ka jingsarong kaba khraw ïaka jylla baroh kawei ha kaba 5 ngut ki samla kila mih naka jylla ban mihkhmat ïaka ri India shaka Asian Muaythai Championship 2025 ka ban long ha Thai Nguyen Province, haka ri Vietnam, naduh ka 20-26 tarik Jylliew hapoh ka lama jong ka United Muaythai Association of India.
Naka liang ka Muaythai Association of Meghalaya hapoh ka jingïalam jong u Bah Angelus Sun mynta ka sngi kila ai ka jingkitbok kitrwiang ïa kitei ki samla shuwa ba kin mih naka jylla ba kin lah ban lehkai bha ha katei ka lympung bad kyrmen skhem ruh ba kin wanphai ryngkat ki takma.
Kitei ki san ngut ki rang bad thei ialehkai ka jylla kiban leit iakhun ia katei ka lympung ki kynthup ia u samla Bansahnamkyrpang Warkhyllew naka shnong Nongkrem ha ka kyrdan 45kg, u samla Aristone Syiemsad na ka shnong Mawdiangdiang ha ka kyrdan 57kg, u samla Teiboklang Marbaniang na ka shnong Mylliem ha ka kyrdan 51 kg, ka samla Mary Christine Riang na ka shnong Umsaitsning ha ka kyrdan 45 kg bad ka samla Anita Rai na Nongpoh haka kyrdan 48 kg.
