Shillong, Jylliew 21: Hadien ba ki pulit ka East Khasi Hills District, ka la pyndep pat sa ka jingtohkit kaba ar sngi katkum ka Police Custody ia ka Sonam Raghuvanshi bad u Raj Kushwaha halor ka jingkynnoh donkti ban pyniap ia u Raja Raghuvanshi u nongjngohkai na Indore bad u Kurim ka Sonam, mynta ka sngi ki pulit ki la rah pat ban tian bishar sha ka Iingkashari jong ka District and Session Court ha nongbah Shillong.
Ia ka Sonam bad ia u Raj la wan ialam na Sardar Police Station sha District Session Court haka por 5:15 janmiet, bad ha ka jingtian bishar ka Iingkashari ka la rai ban pynngat ia kine ki ar ngut sha ka 13 sngi ban tohkit katkum ka Judicial Custody hadien ba ki pulit kim shem la pan por biang ban tohkit ia ki.
Na ka liang u Assistant public prosecutor, U Advocate Tushar Chanda, u la pyntip ha ka jingtian bishar mynta ka sngi, na ka liang ka iingkashari ka la rai ban phah tohkit kumba 13 sngi na bynta ka Judicial Custody.
Kum ban pynkynmaw, dang shen ha ka 12 tarik u Jylliew, ka ïingbishar ka la ailad 8 sngi na ka bynta ka Police Custody na ka bynta ki 5 ngut ki ki runar bad ha ka 19 tarik u Jylliew 2025 la pynjlan sa 2 sngi ka Police Custody na ka bynta ka Sonam bad u Raj bad ki 3 ngut ki runar pat u Akash Rajput, Vishal Singh Chauhan bad u Anand Kurmi, la ialam tohkit noh na bynta ka Judicial Custody ba 14 sngi.
