Ki pulit jong ka Nongpoh Traffic Branch mynta ka miet kila ieng ha surok bah National Highway 6 ban talasi naphang ïaki kali kiba kiew bad kiba hiar na Shillong sha Guwahati ban tehlakam ïaka jingpynkheiñ aiñ khamtam kiba dih buaid haka por ba ñiah kali, ban tehlakam ïaka jingïeng beaiñ haki surok bah, ka jingkhaii drok khnang ba ki paidbah kin bud ryntih ïaki kyndon aiñ haba ñiah kali bad ban lait na kino kino ki kam sniew.
Ka tnad pulit jong ka Nongpoh Traffic kila pynieng ruh ïaki ophisar pulit haki jaka ba I donkam ban peit pyrman ïaka jinglong jingman katba ka jingtalasi ka dang ïaid ba kum ka tnad pulit ka don ka thong ban wanrah ïaka imlang ka sahlang kaba lait naki kam sniew, ki jingpynkheiñ aiñ bad ki jingjia aksiden.
Naka liang ka tnad pulit kala kyrpad ruh ïaki paidbah ban burom ïaki aiñ ñiah kali, ban kiar naka jingdih buaid bad ieng beaiñ haki jaka bym dei khamtam haka por miet ba jur ki jingjia aksiden.
