Nongpoh, Nailar 13: Ka Nongpoh Town Shoping Complex kaba dei kawei naka ïew ka ba la sahdien namar ka jingbym shimkhia daki briew kiba shim wai ïaka, hynne ka sngi pat katei ka ïew ka la phuh kynsan daka jingplie ryntih ki dukan bapher bapher bad ka jingwan rung wan mih ki briew ban ïa sakhi lang ïaka jingsdang ïa ka ïew Nongpoh Shoping Carnival.
Ïa katei ka ïew kaba la tip Kum ka Nongpoh Shoping Carnival la wan ban plie noh da U Deputy Commissioner ka Ribhoi u Abhilash Baranwal IAS, haka jing ïa sakhie lang ka Kong B Rani ADC Ribhoi, Eric Kevin Dkhar BDO Umling Block lem bad kiwei kiwei ki Ophisar naka tnad Urban.
Katei ka Ïew lane ka Nongpoh Shoping Carnival kaba la ïoh ban sdang mynta ka sngi la pynlong iaka daka Nongpoh Town Shoping Complex haka jingiasnohkti lang ka G&C Store bad kane ka ïew kan neh 4 sngi ïaka ban sa pynkut pat haduh ka 16 tarik Nailar.
Naka liang u Deputy Commissioner ka Ribhoi u la ïa thuh ba kadaw ka ba pynlong ban shim ia kane ka sien jam ka long ban pyn phuh pynphing ïa kane ka Shopping Complex bad ban ai mynsiem ïaki ba shong dukan hapoh kane ka building ba kin plie man ka sngi bad ha kajuh kapor ka jingthmu jong kane ka Shoping Carnival ka dei ban khring ruh ïaki Paidbah ba kin wan rung shapoh kane ka Complex.
