Shillong, Nailar 21: Ka Sorkar Jylla hynne ka sngi lyngba u Myntri ka tnat Social Welfare u Bah Paul Lyngdoh kala pynkupburom ia 8 ngut ki pulit ka Anti Narcotic Task Force (ANTF).
Kane ka jingpynkupburom kadei kum shibynta ban ai jingithuh bad ai mynsiem shuh shuh iaki Pulit ka ANTF ban nang trei shitom ha ka ban pynduh jait syndon ia u Drok bad kiwei ki jait jingdih pynbuaid napoh ka Jylla Meghalaya.
Haba ai jingiaroh iaka ANTF bad ki pulit ka jylla, u Bah Paul ula ong “Ki pulit ka Jylla ki long kiba tbit bha bad kane ka la paw shai haka jingjia shah pyniap ba la jia ha Sohra”.
U Bah Paul ula ong ba ki Pulit ka ANTF kila trei shitom bha ban iakhun ia ka jingwan rung u drok bad kane ka jingtrei shitom jong ka ANTF ka paw lyngba ka jingioh kem iaki nongkhaii bad ioh kurup bun bah u Drok.
U la ong ba ka ANTF ka la nang khlain bor na ka por sha ka por. “Watla ki don kiba shu peit ia ki khubor ha ki TV ne ki Mobile Phone ki ju kynthoh halor ka jingjyllei drok hynrei ka ANTF ka snggap beit bad ka pyni dala ki kam bad ba ki leh” ula ong.
Ha kane ka sngi pynkup burom ia kitei ki pulit ka ANTF la iadonlang ruh u SP ka ANTF, U Mission Director ka Dream nalor kiwei kiwei de.
