Kum ka jingbteng ïaka thma pyrshah drok, ki pulit jong ka Karimganj District jong ka jylla Assam ryngkat ka jingïatreilang bad ki shipai BSF G Branch, mynta ka sngi u Blei kila ioh ban kurup kumba 30 hajar tylli ki dawai kuli (Yaba Tablets) ba shongdor kumba 9 klur na kawei ka kali bad naka liang ki pulit kila ioh ruh ban kem 2 ngut ki briew ba suba donkti ha katei ka kam.
Hakajuh ka por naka liang ki pulit jong ka Morigaon kila ioh ban kem 3 ngut ki briew ryngkat 77 tylli ki song bala suba thep ïa u drok heroine ba don kumba 104 gram ka jingkhia, bad 8.6 gram ba don Shabar kitei ki song. Kitei kiba la shah kem haki pulit ki kynthup ïa u Amjat Ali, Sahanaj bad Fakir Uddin na Mikirbheta bad naka liang ki pulit ki dang pynlong shuh shuh ka jingtohkit.
Naka liang u Myntri Rangbah ka jylla Assam u Himanta Biswa Sharma u la ai ka jingïaroh ïaki bor pulit jong ka Karimganj bad kumjuh ruh ki shipai BSF kiba la trei shitom ban ïakhun ïa u drok haka jylla Assam bad ai mynsiem ruh ïaki ba kin dang bteng ïa katei ka thma pyrshah drok.
KURUP KI PULIT KARIMGANJ ÏA U YABA TABLETS BA SHONGDOR 9 KLUR, KEM 2 NGUT
