Shillong, Risaw 05: U Fr. Hilarius Lamare kum uwei na u Lyngdoh Sohblei ba paw ka Balang Katholik bad u nongsharai ba shirthem ïa ki paid riewngeit ka Balang Katholik ha ka jylla, u la khlad noh mynta ka 5 tarik u Risaw 2025 bad kane ka jingkhlad noh une u rangbah kum u sohblei ka Balang Katholik ka long shisha ka jingduh nong kaba khraw ia ka Balang Katholik hapoh ka jylla.

Kum ban pynkynmaw, ia u Fr. Hilarius Lamare la khah ha ka 1 tarik u Risaw 1952 bad u la shim ia ka jingkyntang lyngdoh ha ka 16 tarik u Kyllalyngkot 1983 bad hapdeng ka jingiaid lynti ban shakri kum u Lyngdoh ka Balang Katholik u la khlad noh mynta ha ka kyrdan kaba u bat kum u Parish Priest ka Cathedral Parish Jowai.

Kumba la ioh lum jingtip, halor kane ka jingkhlad noh une u Lyngdoh ba paw ka Balang Katholik, kan sa don ka  Requiem Mass ha ka por 12.30 noh phai sngi kata ha ka 6 tarik u Risaw, 2025 bad hadien kane kin sa leh burom khatduh ia ka met ba dang sah jong u bad ban leit tep don burom ha u lum jingtep ka Balang Catholic Jowai.