Nongpoh, Naiwieng 29: Ban Wan rah ïaka khuid ka suba bad ban pynmlien ruh ïaki nongshong shnong ba kin long kiba adkar haka kam leh khuid kaba dei kawei naki kam kaba kongsan haka jingim briew bad ha kajuh kapor kaba dei ruh ka kamram jong u nongshnong kumba la pynmlien da u men ba rim ba jah, Ka Dorbar shnong Nongpoh mynta ka sngi ka pynlong ïaka jingpynkhuid Shnong kaba shi sien shi snem hakaba ki paidbah nongshong shnong ki la mih na la ki ïing ki sem ban rah la ki jong ki tiar ki tar ban ïa shim bynta shitrhem ha katei ka Jingpynkhuid Shnong.

Ha shwa ba katei ka jingpynkhuid Shnong kan sdang, naka liang ki Nong shah khot Sngewbha Kiba kynthup ïa U MLA ka Nongpoh Constituency, u bah MayralBorn Syiem Kum u Kongsan lem bad ka Kong Rona Khymdeit MDC ka Nongpoh bad u Bah Mathew Makdoh Nominated MDC ki la ioh ban pashat iaki Kyntien kyntu kynpham bad katto katne ki kyntien symboh hakaba ia dei bad ka Imlang ka sahlang khamtam ha kaba ia dei bad ka khuid ka suba jong ka Shnong ka thaw.

Haba kren ha katei ka sngi u bah Mayral Born Syiem, u la ai ka jingïaroh ïaki nongïalam shnong jong ka Nongpoh hakaba ki lah ban nang bteng ïa kane ka kam pynkhuid shnong kaba la ïalam lynti naduh ki men barim ha kaba ki nongshong shnong ki mih nala ïing ban ïashim bynta lang haka jingïa pynkhuid ïa la ka shnong ka thaw.

Naka liang u Bah Mayralborn Syiem kum u Nongmihkhmat u la ioh ban ati ïaka work order sha ka Dorbar Shnong Naka bynta ki jingtei hapoh ka Shnong bad hakajuh kapor u la aiti ruh iaki 10 tylli ki dieng lathi bad 10 tylli ki touch light naka bynta ki volunteer jong ka VDP Nongpoh.

Nalor kitei ki Nongialam la ia don ryngkat lang da u Bah Silvester Mynsong Rangbah Shnong Nongpoh, Bah Anthony Suchiang Secretary Shnong, Bah Plielad Tiewsoh Asst. Rangbah Shnong, Bah Linus Lyngdoh Sordar ka Raid Nongpoh lem bad kiwei kiwei ki riew Rangbah.