Nongpoh, Naiwieng 29: Ka Kong Aiei Banity Lyngdoh naka jylla Meghalaya kala ioh ban khur ïaka takma rnong haka lympung ïakop rahnar kaba la tip kum ka Khelo India Asmita East Zone Women Weightlifting League, 2025 kaba la long ha Kolkata naduh ka 26 tarik bad ka ban kut pat haka 30 tarik mynta u bnai Naiwieng.

Ka Aiei Banity Lyngdoh kala leit ban shim bynta ha katei ka lympung haka kyrdan 69kg senior category bad hapdeng shibun ki thei lehkai na kylleng ki jaka kala lah ban poi shaka thong bad khur ïaka takma rnong na katei ka lympung.

Lah ruh ban kdew hangne ba ki don kumba 10 ngut ki samla kiba leit ban shim bynta naka kynhun jong ka Meghalaya Weightlifting Association hapoh ka jingïalam u Bah Donald Rymbai kum u President bad u Coach.

Naka ka liang ka kong Aiei Banity Lyngdoh bad u Bah Donald Rymbai kum u President kila pynpaw ka jingsngewkmen hadien ba ka jylla Meghalaya kala ioh khur ïa katei ka khusnam wat hapdeng shibun ki jingeh bad ai khublei ruh ïaka sorkar jylla kaba la bei pisa ïa ka jingleit shim bynta jong ki sha katei ka lympung.