Nongpoh Nohprah 5: Ban tip kham bha halor ki lad ban shim ïa kita ki jingïada lada khie u jumai ne wan lynshop kino kino ki bor mariang, ka ophis u Block Development Officer ka Umsning C&RD Block lem bad ka jingïatrei lagn ka ophis u District Disaster Management Officer (DDMO), Ri Bhoi District hynnin ka sngi ki la pynlong da ka prorkam  ban hikai sha ki paidbah ban tip halor kita ki lad jingïada lada wan lynshop kitei ki bor mariang.

Ïa kane ka prokram ai jinghikai la pynlong ha phyllaw ka ophis u BDO Umsning C&RD Block bad shuwa ban sdang ka Mock Drill la pynlong shwa ïa ka jingïalang ban ai kita ki jinghikai halor ki lad ki lynti ban shim ïa kita ki lad jingïada lada wan lynshop ki bor mariang ne kino kino ki jingjia kiba lah ba pynmynsaw ïa ki briew.

Ïa kane ka jingai jinghikai la lamkhmat da ki ophisar na ka ophis u District Disaster Management Officer (DDMO), Nongpoh, ka jinghikai haka por pluh da ka Fire & Emergency Service Ri Bhoi District, bad kumjuh ruh na ka tnad Civil Defence Nongoh kiba hikai kumno ban ai jingsumar lada don kiba mynsaw bad donkam ïa ka jingsumar ha kino kino ki jingjia ba shah ktah ki paidbah.

La sakhi ruh ha kane ka sngi ba ai ïa kane ka lad jinghikai da ka jingdon lang u BDO ka Umsning C&RD Block u Bah A.Marthong, u Bah J Mawthoh, District Disaster Management Officer (DDMO), u Bah S.Mawlong Assistant Conservator of Forest Social Forestry Nongpoh Division, u I.Islaam officer In-charge Umsning Police Station lem bad kiwei kiwei ki Ophisar, ki Nongtrei na ka Tnad ka koit ka khiah, ki Nongtrei naka Tnad Forest Umsning Range, ki Nongtrei na ka Umsning C&RD Block lem bad Ki Pulit na Umsning Police Outpost.

Lasakhi rung ha kane ka sngi lyngba ka Mock Drills u Jumai ba 6.9 magnitude u la khie ha Umsning ha kaba la sakhi ba ka Ophis u Block Development Officer  ka Umsning C&RD Block ka la shah lyngshop ha kane ka jingkhieh u Jumai.