Nongpoh, Jymmang 26: Ki nongialam ka FKJGP Shakoikuna Circle, ki la leit ban ai sngewbha da 6 tylli ki Pyngkha sha ka skul St. Edmunds RCLP School Shakhoikuna, Ri Bhoi, khnang ban ioh pyndonkam da ki khynnah kiba pule ha katei ka skul.
Haba leit ban aiti Pyngkha sha katei ka skul, la sakhi da ka jingdon u Bah Khil Maring, President ka FKJGP Shakoikuna Circle, nangta ka Kong Martina Maring, Headmistress, ki dkhot ka seng, ki Nonghikai lem bad ki khynnah skul.
Halor katei ka jingleit ban aiti Pyngkha sha katei ka skul, u Bah Khil Maring, u la ong ba ka nongrim kaba la pynlong ia ka seng ba kan leit ai sngewbha da ki Pyngkha sha katei ka skul, khnang ba ki khynnah kin ioh ban pyndonkam ha ka por ba ki don ha skul bad khamtam eh ha katei ka thain, ka dei ka thain ba jur ka jingshit.
Ki nonghikai kiba la ioh ban pdiang ia kitei ki Pyngkha na ka FKJGP, ki la pynpaw ia ka jingsngewnguh ia ki nongialam ka FKJGP, kiba la kynmaw ban aisngewbha da ki Pyngkha ha katei ka skul, bad kaba la long ka jingmyntoi ia ki khynnah ba kin ioh pyndonkam bad khamtam eh ha kaba kum kane ka por ba shit ka suinbneng.
Sa Peit Ruh
