Nongpoh, Jymmang 27: Ha kawei ka jingjia tyngkhuh kali mynta ka step, ki kali kiba iaid ba ieng lyngba ka surokbah National Highway 6, ki la ngat ha ka jingdheng kali kaba la neh palat iaka san kynta tang namar ka jingiatynrah jong ki ar tylli ki trok ha ki bynta kiba dang hap haka shnong 12 Mer Byrnihat jongka liang Assam.
Katkum ka tyllong khubor ba la iohlum, la iathuh ba katei ka jingjia kadei haka por 5 baje mynstep eiei katba kawei ka trok kit mar khia, kaba dang sdang mih naka jaka ba pynieng, kala leit ban tynrah beit beit ia kawei pat ka trok kit sniang kat haduh ba la sahkut sbak. Baroh ar kitei ki trok kidei kiba dang thmu ban kiew shaka nongbah Shillong.
Naka liang ki bor pulit pyniaid kali, kila hap ban pyniaid noh tang shilliang jongka surokbah ia ki kali kiba kiew bad hiar katba ka jingpyrshang ban weng ia kitei ki trok ka dang iaid shakhmat. Shuh shuh, kat haduh ba thoh ia kane ka khubor, ym pat ioh jingtip satia ka ki don ne em kiba mynsaw ha katei ka jingjia.
Sa Peit Ruh
