Nongpoh, Naiwieng 27: Kum Shibynta ban wan rah ïaka jingshngaiñ iaki nongleit nongwan bad ki Nongñiah Kali, ka Nongtluh Mathan Marmain Development Forum (NMMDF), haka jingiasnohkti lang bad u MLA ka Nongpoh u bah Mayralborn Syiem bad ki Pulit ka Ribhoi, mynta ka sngi, ki la pynlong ia ka prokram ban ai jinghikai ia ki nongniah kali bad nongniah ar-shaka, ba kin long kiba adkar bad ba kin bud ryntih ia ki kyndon ain niah kali ha surok.

Ia katei ka prokram kaba la pynlong ha madan Umden, la wan ban ia shimbynta lang u Bah Mayraldborn Syiem, MLA Nongpoh kum u Kongsan, u V.S Rathore, Senior Superintendent of Police ka Ri Bhoi, u Bah Orville Massar, Additional Superintendent of Police ka Ri Bhoi, U Rubul Ali Trafic Incharge Ka Nongpoh Traffic Branch, ki nongīalam ka kynhun NMMDF, ki riew rangbah ka thain, ka kynhun ki Nongñiah Taksi kamai ka thain Umden lem bad kiwei.

Ha katei ka program ai jinghikai, naka liang ki Pulit Ri Bhoi, ki la shim bynta kaba khraw ban hikai ïaki Nongniah Kali dakaba pynlong ïaka “Mock Drill”, hakaba ki la hikai kumno ban pyndonkam ïa u seat Belt, Ki Signal Light, ban pyndonkam ia u Surok uba dei ban iaid bad kiwei kiwei nalor kata ki la kyntu ruh ba kum ki Nongñiah Kali ki dei barabor ban kynmaw ban bud ryntih iaki kyndon aiñ katkum ka Motor Vehicle Act khnang ban lait na kino kino ki jing jia aksident lane ban iada ialade.

Ïa kane ka Program Ai jinghikai halor ki rukom niam Kali, U MLA ka Nongpoh Lem bad  ki nongialam ka NMMDF, ki la pynlong khnang ka dei hadien ba u Surok Nongpoh Umden u la sdang bha bad sa tang katto katne sngi yn sa siang rong noh hynrei ki la mih pat ki Kali kiba niah pynher sted khlem burom shuh ïaka speed limit bad kaba buh jingma pat ïa kiwei kiba leit ba wan.