La 2 sngi Shah Thngan U Bah Marshal Ban Dawa Plie Ïaka Jingtih Dewiong Ha Jaintia

Khliehriat, Jylliew 02: Kumba u Bah Marshall S.B Biam, uba dei u President ka Jaintia Coal Owners, Miners, Suppliers and Workers Association (JCOMSWA) u la sdang ka jingshah thngan hynnin ka sngi ka 1 tarik u Jylliew 2026 ha phyllaw ka ophis u Deputy Commissioner bad mynta ka sng ruh u la bteng biang ia ka jingshah thngan kaba la kot haduh 29 kynta.

Kum ban pynpaw, na ka liang u Bah Marshall S.B Biam u la sdang ka jingshah thngan hynnin ka sngi ha phyllaw ka ophis u Deputy Commissioner ka East Jaintia Hills bad mynta ka sngi u la hap ban shah thngan noh sha Rymbai Road, kaba dei hadien ba u la shah pynkynriah ka jaka shah thngan na ka daw kaba um pat ioh bor ban shah thngan ha ka ophis u Deputy Commissioner.

Ha ka jingbteng jong u ban shah thngan  mynta ka sngi la wan ai mynsiem ruh da ki Longkmie, ki Seng Bhalang bad ki katto katne ki Waheh Shnong katei ka thain, ha kaba ka Nongrim ka jingshah thngan ka dei ban dawa ban plie noh ia ka kam tih dewiong iong ha rilum Jaintia ba ki paidbah ki la shah ktah jur ha ka ioh ka kot bad ka kamai ka kajih na ka daw ka jingkhang ban tih dewiong.

Sa Pule Ruh | Kynduh Syndon Ki Contractor Ka Jylla Ïa U Conrad Ba Ktah Jur Ka Jingslem Pynlait Pisa Ka Sorkar

Haba ioh ruh ban ia kren mynta ka sngi, u Bah Marshall SB Biam u la ong ia mynta ka met ka phad ka jong u ka dang biang bad ia kane ka jingshah thngan kan dang iaid beit sha khmat katba ka sorkar kam pat lah ban ai ia ka rai na ka bynta ban plie noh ia ka kam tih dewiong ba la shah ktah jur ki paidbah ha rilum Jaintia.

Ha kane ka sngi, na ka liang u Bah Mihslan Thoo kum u presient ka HYDC East Jaintia Hills ba ka pyrthei ka tip kham bha ba ka East Jaiñtia ka dei kaba riewspah halor ka jingdon u mawpoh khyndew kata u dewiong bad u la buh ka jingkylli ia ki bor synshar District balei kim ailad ban shah thngan ha phyllaw ka ophis u DC, da kaba ong ba u Bah Marshall u dei u briew ba na kane ka District uba ieng ban ialeh na ka bynta ka jingeh ki paidbah na ka daw ka jingkhang ka tih dewiong.

Shuhs huh, u la buhr uh ka ka jingkyrpad ia baroh kiba ia don kti lang ha ki kam khaiï Dewiong ba kin wan sha khmat ban ai ia ka jingkyrshan, namar la ym lah ym ailad shuh ban plie ne tih dewiong ka District ruh ka la long kumba ka la iap ba ki paidbah ki la shah ktah jur na ka jingkhang tih dewiong.

Sa peit ruh