Mawkyrwat, Jymmang 19: Ban pynsuk ym tang ia ki nongtrei kam sorkar bad kumjuh ruh ia ki paidbah ka thain Mawkyrwat na ka bynta ban thep pisa ne sei pisa, ka State Bank of India, Myrwkywat Brach mynta ka sngi ka la plie syndon da ka Cash Deposit Machine, ka kor kaba lah ban thep pisa ha phyllaw ka ophis u Deputy Commissioner Mawkyrwat.
Ia kane ka kor ban thep pisa la wan ban plie da u MLA ka Mawkyrwat u Bah Renikton Lyngdoh Tongkhar kum u kongsan bad la sakhi lang da ka jingdon lang u Deputy Commissioner u Bah B. Mawlong, u Branch Manage ka SBI u P. Gogoi lem bad kiwei kiwei ki ophisar bad ki nongtrei na ka State Bank of India.
SA PULE RUH | MLA, DC Inaugurate New School Building at Umjong RCLP School In Ri Bhoi
Haba kren ha kane ka sngi, u MLA ka Mawkyrwat u Bah Renikton Lyngdoh Tongkhar u la ong pynpaw ba kane ka District ka dang donkam shibun kiwei kiwei ki kam kiba ia dei bad ka kam bank bad la kham ban khia ruh ba ka Shiliangum ka la donkam ban ioh kawei ka Branch jong ka bank na ka bynta ka jingdonkam ki paidbah.
Shuh shuh, u la pynpaw ruh ba ka jingdonkam ia ka Branch sha Shiliangum ka dei namar ba katei ka thain kan sa ioh ia ka Block bad ka Kolej ruh ka la don lypa ba kum ki paidbah ki donkam ia ka bank na ka bynta ban lum ne kynshew pisa.
SA PEIT RUH |
