Nongpoh, Jylliew 1: Ka jingshim kabu da ki briew ki bym salia wat ïaka sngi u Blei ban wan die kyiad beaiñ hapoh ka Shnong Nongpoh dakaba ïeng daki auto bad ki scooty ha lynter u Surok bah haki bynta kiba hap haka dong Upgate, hynnien ka janmiet naka liang ki nongpeit pyrpan jong katei ka Dong kiba kynthup ia u Rangbah Dong, Ki Seng Longkmie lem bad ki Seng Samla ki la hiar kynsan ban beh bad kem ïa kitei ki briew kiba pyrshang ban die kyiad beain ha katei ka jaka.
Katei ka jingleit ban kem iaki Briew kiba die kyiad beaiñ daki Briew Shnong ka dei hadien ba naka liang ka Committee Dong Update ka la dep ban mana tyngeh ia ki briew ba kim dei ban die kyiad beaiñ ha kitei ki jaka khamtam haki sngi U Trai namar ka wan rah ïaka jingthad burom ïaka shnong ka thaw bad ka jingbym shngaiñ iaki nongleit nongwan khamtam iaki ba leit jingïaseng.
Ha katei ka jingleit khynra la ia synrang lang ruh daki Nongialam ka Seng samla Nongpoh lem bad ki Pulit na Nongpoh Police Station hakaba ki la ioh kurup haduh 246 plastic ki kyiad pyrsi bad naka liang ki Nongialam jong ka Dong ki la pynpait lut ia katei ka kyiad ha katei ka jaka kaba ki lap.
Naka liang ka Committee Dong Upgate lyngba u Bah Albinus Lamo kum u Rangbah Dong u la iathuh ba ka Dong ka la ïaleh man kapor ban wan rah iaka khuid ka suba bad iaka burom hapoh ka Dong hynrei ki dang bun ki riew shim kabu kiba ialeh ban Pynjah burom ïaka Dong khamtam haki por miet.
U Rangbah Dong u la maham tyngeh iaki nongleh pyrshah ba ki dei ban burom ïaka rai kaba la pynmih daka committee bad u la maham ba kane ka long ka sien kaba khatduh bad lada nang lap ia kino kino kiba leh pyrshah kin sa ngat haka kuna kaba heh ha ryngkat ka jingpynshitom kaba tyngeh.
Sa Peit Ruh
