Shillong, K’lyngkot 15: U Myntri rangbah ka jylla u Conrad K. Sangma mynta kas ngi u la pynbna paidbah lyngba ki lad pathai khubor da ka ong, “Ia mynta shipor yn sangeh shuwa ia ka jingiakren pynbeit pud hapdeng ka Meghalaya bad ka Asssam bad kane ka jingpynsangeh ia kren pud ka de namar ba dang don ka State Election hapoh ka jylla Assam,”.

U la ong ruh ba shen ka Election jied nongmihkhmat ha Assam kan sa long noh bad dei namar kane ka daw ki bor sorkar ka Assam kim pat don por ban ia don bynta halor kane ka kam pynbeit pud pynbeit sam.

U la pynshai ruh ba ha ka wat kaba ar ba ia kren halor ki kam pynbeit pud pynbeit sam hadpeng ka Assam bad ka Meghalaya, kin ia kren thikna ban pynbeit sa ha ki 6 tylli ki jaka ba don ka jingiakajia pud hapdeng ka Assam bad Meghalaya bad ba kin ia kren sani ruh katkum ka MoU ba la ia soi ha u snem 2022 ban ia pynbeit ia kitei ki jaka ba don ka jingiakajia pud.

Shuh shuh, u la ong ruh tang hadien ba la dep ka Election jong ka jylla Assam, kin iaid biang shakhmat  bad ban bteng baing ia kane ka jingiakren ban pynbeit ia ki pud ki sam ba ia kajia hapdeng ka Assam bad ka Meghalaya, u la bynrap.