Shillong, Nailar 06: Ki bor Distrik ka East Khasi Hills, ki la pynkhlain ia ka jingpahara ha kylleng ki bynta ba hajan ka Main Secretariat, kata ban iada ne ban tehlakam ioh mih kano kano ka huri hura, hadien ba ki paidbah, ki nongkyrshan ka VPP bad ki dkhot ka HITO, ki la tur mynta ka sngi ha Secretariat.
Pule ruh:Ka sorkar ka la sdang wad bniah ia ka daw ka jingshlei um ha Jorobat: Conrad
Shwa ba ki paidbah kin poi ha surok hajan Main Secretariat, ki Bor Distrik, ki la ker ruh da ki jingker nar, khnang ban iada na ki kam leh kulmar bad ruh ban ym thut ka leit ka wan ki paidbah.
Kham hadien kata, la iohi ba ia katei ka jingleit tur sha Secretariat la ialam hi da u Bah Ardent Miller Basaiawmoit, President rangbah ka VPP, u la ialam ia katei ka jingiaiaid paidbah sha Secretariat ha ryngkat ka jingpyrta ban pynrem ia ka sorkar MDA kaba la ialam da ka NPP.
Peit ruh:
