Nongstoin, Jymmang 26: Ka seng Hynniewtrep Youths’ Council Council (HYC) Umyiap Area Unit haka jingialam jong u samla Olivertwist Marngar mynta ka sngi kala leit ban kynduh ia u SDO ka MePDCL Nongstoin, West Khasi Hills District ban leit kyrpad pan jinglut jingsep naka bynta u Bah Savio Marngar, 65 snem ka rta, uba la mynsaw jur naka jingshah bat bording ilektrik hynnin ka miet jongka 25 tarik mynta u bnai Jymmang, 2026.
Kum ban shu iathuh khyndiat, u Bah Savio Marngar u la ngat haka jingmynsaw jur hadien ba u la shah bat bording ilektrik lyngba u sainar uba la hap haki bynta kiba dang hap haka shnong Nongdiwah jongka West Khasi Hills District.
Ha kane ka jingiakynduh bad utei u SDO ka MePDCL, ka seng kala kyrpad ban pynkynriah noh iaki sainar bording ilektrik kiba iaid lyngba ka phyllaw ing bad ka St. Dominic RCLP School Nongdiwah. Naka liang utei u heh ophisar ka MePDCL ula kular ban ban shimkhia ia kane ka bynta ban pynlait iaki jingmynsaw bad jingjia ba sngewsih hadien habud.
Sa Pule Ruh | Sdang urlong ki project ba dawa ka KSU naduh ki snem bala dep, ai jingïaroh ïa u DC
Sa kawei de ka mat kaba ka seng kala ioh ban iakren ha kane ka sngi kalong ban pynioh iaki lad jingiarap bailut ksan lane ka compensation kumba ong haka ktien nongwei na ka bynta u Bah Savio Marngar uba dang don mynta hapdeng ka jingshah sumar haka Intensive Care Unit (ICU) jongka Woodland Hospital ha nongbah Shillong ia kaba utei u SDO ka MePDCL ruh ula kular ban shimkhia ban leh ia kaba donkam bad ki bor ba kham halor ka MePDCL.
Shuh shuh, naka liang ka seng kala iathuh ruh ba kan iai bteng ban buddien ia kane ka kam bad pynpaw iaka jingkyrmen skhem ba ka MePDCL kan leh ia kaba donkam kumba la dep ban iakren bad utei u heh ophisar.
Sa Peit Ruh
