Nongpoh, Nohprah 13: Kum shi bynta ban pynkhreh iaka Christmas bad ban wan rah iaka khuid ka suba hapoh ka shnong ka thaw, ka Seng Longkmie Mawroh mynta ka sngi ki la ia mih paidbah ban pynkhuid ia ka surok na Nongpoh sha Mawroh bad ruh ban pushera ia ka jingker jong kas surok iaid kjat ha katei ka shnong kaba don ha syndah ka sor Nongpoh.

Ha kane ka jingpynkhuid shnong la ialam da ka Kong Margret Rymbai kum ka President bad ka Kong Novena Nongrum kum ka Secretary ha ryngkat kiwei kiwei ki longkmie.

Kine ki kynhun ka Longkmie ki ju mih man la u snam ban pynkhuid ia ka shnong ka thaw naduh ki surok iaid kjat haduh ki surok iaid briew bad kiwei kiwei ki bynta jong ka shnong, kaba long shi bynta ka jingwan rah ia ka khuid ka suba hapoh ka shnong ka thaw bad ruh kum ka jingpynkhreh ia ka jingwan ka Christmas bad u snem thymmai.

Haba kren sha ki lad pathai khubor, ka Kong Margret Rymbai ka la ong ba kane ka jingpynkhuid shnong ka dei kaba la ju leh da ki Seng Longkmie man la u snem shwa ban pdiang ia ka Christmas bad u snem thymmai bad ka thong hi ka long ban wan rah ia ka khuid ka suba hapoh ka shnong ka thaw bad ruh ban hikai ia kiwei ba ki dei ban sngewthuh ia ka khuid ka suba.

Ka khubor kiba ka seng longkmie ka pynpaw kum kata ka khubor Christmas bad snem thymmai ka long ban pynkhuid haduh ki shnog ki thaw bad ruh ban pdaing ia ka Christmas bad snem thymmai da ka mynsiem kaba khuid bad ki la kyntu ruh ba ha ka jingwan ka Christmas bad snem thymmai ym de ban don kano kano ka jingpynklumar ne ka huri hura bad ngi dei ban pdiang da ka  mynsiem jong kajingieit jong ka jingkmen ban ioh kata ka jingkyrkhu na u Blei Nongbuh Nongthaw.