Nongstoin, Jylliew 19:
Ka jingther jong u slap uba la neh kumba katto katne mynsngi mynta, ka la wanrah ia ka jingtwa khyndew ha jan shilynter jong ka surok kaba pyniasoh na Nongstoin sha Maweit. Kane ka surok kadei kaba dang don hapdeng ka jingmaramot bad pynbha da ka Dhar Construction Company.
Katkum ka khubor kaba la ioh lum, la iathuh ba ka jingtwa khyndew kadei kaba la kham jur ha ki bynta jong ka surok Mawkhlam-Nongpyndeng sharum ter ter shaduh ban poi ka shnong Risiang. Kane ka jingtwa khyndew kaba la jia ha ka por kumba 1 baje eiei mynta ka nohphai sngi, kala pynthud shikatdei ia ka leit ka wan jong ki paidbah.
Shuh shuh, la ioh jingtip ruh tang hadien katto katne por jong ka jingjia, kip uh shilum jong katei ka Dhar Construction Company ki la wan poi ha kitei ki jaka na ka bynta ban weng bad pynkhuid ia ka khyndew kaba la twa ha surok, khnang ba ki paidbah kin ioh ban leit ban wan biang na katei ka surok.
