Nongpoh, Nohprah 20: Ki nongialam ka Ri Bhoi Commercial Pick-up Owners and Drivers Association (RBCPO&DA) hynnin ka sngi ki la leit syndon ban ujor da ka ejehar pyrshah ia ki bar jylla kiba wan seng kam seng jam ha ka thain Byrnihat na ka bynta ban pyniaid ia ka iew Muit khlem da don ki kot ki sla kiba biang bad ka jingbym aikam ai jam ia ki samla trai District ka la pynlong ia ki Nongialam ban ujor syndon da ka ejehar ha Byrnihat Police Outpost.

Haba leit ban ujor ia ki bar jylla kiba don kti ha kaba pyniaid ia katei ka ïew Muit kaba ki la kynnoh ba la shu pyniaid bein la ialam da u President u Bah Stanwell Manih bad u Finance Secretary u Bah Sam Kharnaior ha ryngkat ka jingdon lang kiwei ki nongialam bad ki dkhot ka Association.

Haba kren sha ki lad pathai khubor, u Bah Standwell Manih kum u President bad u Bah Sam Kharnaior kum u Finance Secretary, ki la ong ba ka daw kaba la pynlong ia ka Association ban ujor da ka ejehar ha Byrnihat Police Outpost, ka dei ka jingpyrshah ba ia ki ïew Muit la pyniaid da ki bar jylla ba la kynnoh ba kim don ia ki kot ki sla bad ka daw kaba ka Association ka pyrshah jur ruh ka dei ka jingkyntait ban ai kam ia jam ia ki Samla na ka District ba wa la katei ka ïew ka don ha ka District bad ki samla kiba ym don kam don jam pat kim ioh kam satia.

Kitei ki nongialam ki la kynnoh ruh ba na ka por sha ka por ki la ju leit ban ia kren ia ki briew kiba don bynta ha katei ka kam bad kynthup ia kitei ki bar jylla, ba kin pyrkhat lem ban ai kam ai jam ia ki samla trai District, hynrei kane ka jingiakynduh ka la kut tang ha ka jingiakren bad kiba ioh jingmyntoi ha ka kam ka jam ki dei ki bar jylla.

Namarkata, kitei ki nongialam ki la kynnoh ruh ba kiba don kti ha kane ka kam ki dei tang ki bar jylla kiba ym don kot don sla lem bad kita ki briew High Level kiba la shu kular tang ka ktien ban ai kam ai jam bad dei namar kane ka daw ka Association ka pyrshah jur bad ka la shim da ka rai ban ujor da ka ejehar pyrshah ia kiba don kti ha katei ka ïew  ba la kynnoh ba ki la shu pyniaid beaiñ khlem ki kot ki sla bad ha kajuh ka por ruh ki la kren shai ba ia mynta shipor dei ban khang noh ia kitei ki iew katba ym pat lah ban ia kren sngewthuh ne ai jingmyntoi lang ia ki khun samla ha ka liang ka ioh kam ka ioh jam, ki la bynrap.