Nongpoh, Nohprah 29: Ka Mariang kaba khuid ka wanrah ia ka koit ka khiah bad ruh ia ka jingitynnad bad ka dei ruh ka jingai sngewbha U Blei ia u khun bynriew, pynban ki dang don ki briew ki bym niewkor ia ka bad kiba don ia ka mynsiem dusmon kat ban pynjulor ia ka da kaba pynjaboh da ki jaboh kiba na ki iing ki sem la shu wan bret sha ka rud surok.

Ka rud surok kadei kawei na ki jaka kaba donkam bha ban sumar khuid namar ki briew baroh kiba iaid lyngba jong ka ki lah ban iohi ban shem ia ki jaboh, pynban dei hangne ba ki briew kiba biej ki sngewtynnad ban pynjaboh bad ha ka step jong ka 27 tarik u Nohprah 2025, ka Seng Samla Shnong Umiam hapoh ka jingialam u President u samla Daniel Sunn, u samla damiyo Lamare, general secretary, ki dkhot lem bad u rangbah shnong jong ka Shnong Umiam u Bah Stevenson Kharkrang, ha ka jingiaid ban peit pyrman jong ki ia ka khuid ka suba ki la lap ia ki jaboh ba ki briew kila wan bret harud jong u surok NH 40 kaba hap hapoh jong ka Shnong Umiam

Na ka liang Jong ka seng samla shnong Umiam, ki la pynpaw ba na ka por sha ka por ki ju pynpaw ia kine ki jingwan bret nuit ha ki rynsan social media ha ryngkat ki jingkyrpad ia ki briew ba kin burom ia ka mei Mariang, pynban ym don kiba iarap bad burom ia kata bad mynta ka kynti ki la shim noh ia ka rai ba yn pynsaja hi noh da ka shnong lada lap ia kiba wan leh dusmon hapoh jong ka Shnong katkum ki kyndon Jong ka Shnong umiam.