Nongpoh, Nohprah 29: Ha kawei na ki jingjia ba sngewsih kaba la jia hynnin ka sngi U Blei, kawei ka Thuk Thuk kaba don ia u number AS-01-EH-7813 kaba la pynher sted bha katba ka dang thmu ban leit sha Byrnihat kaba dang wan na ka thain Jorobat ka la leit ban tynrah kynsan ia kawei ka Trok kaba don ia u number AP-07-TM-1279 ha kaba utei u nongñiah Thuk thuk u la duh syndon ia la jingim hashen na ka daw ka jingmynsaw jur.

Kumba la ioh lum jingtip, ia ka met jong une u Nongñiah Thuk thuk la lah ban sei noh na ka jingsahkut hadien katei ka Trok da ka jingwan poi noh ki PUlit ka Byrnihat Police Outpost.

Na ka liang ki Pulit hadien ba la pynlong ia ka jingtohkit ki la rah noh ia ka met jong ute utei u Nongñiah Thuk Thuk sha Civil Hospital Nongpoh ban pyndep ia ka post-mortem.

Une u nongñiah Thuk Thuk uba la duh noh ia la ka jingim, ha kane ka jingjia la tip kyrteng kum u Premanada Mandal na ka Shnong Khetri Assam, Kamurp Metro bad ka jingtohkit halor kane ka jingjia ka dang iaid shaphang.