Nongpoh, Nohprah 29: Kum shibynta ka jingrakhe ïaka taïew jong ki Nongrep kaba la tip kum ka Jai Kisan Jai Vigyan Week kaba la sdang naduh ka 23 tarik Nohprah bad pynkut pat mynta ka sngi ka 29 Tarik Nohprah, Kawei naki kynhun Nongrep ka Ri-Lajong Farmer Producer Organisation, Ribhoi District hynne ka sngi ka la pynlong ïaka Program ai jinghikai sha ki Nongrep ban ai ka jinghikai kyrapgn halor ki kam rep ki kam riang kiba khlem da pyndonkam dawai.

Ïa kane ka jingrakhe la pynlong da kaba buh jingmut ia ka jingnoh synniang kaba khraw jong ki Nongrep na ka bynta ban kyntiew ia ka jingpyndonkam ia ka rukom rep katkum ka juk stad saianna ka bynta ka bha miat jong ki nongrep.

Ha kane ka sngi, naka liang ka Ri-Lajong Farmer Producer Organisation ki la sam ruh daki spah tylli ki Tiar ki ban ïarap ïaki Nongrep kynthup naduh u Mohkhiew, Ka Knup, Ka Motor, Ki Rashi bad kiwei kiwei bad ha kajuh kapor ki la sam ruh iaki Symbai jur sha ki spah ngut ki Nongrep kiba don hapoh ki 15 tylli ki Unit jong katei ka kynhun Ri-Lajong Farmer Producer Organisation.

Ha kane ka sngi, la wan ban ai jinghikai daki riew stad ka rep ka riang na ka CAU,Imphal kiba kynthup ïa u Prof. Dutipendra Thakuria Dean, CAU, Umïam, Dr. Ram Singh Dean Kyrdem Kulai Agriculture Collage, Prof. K.N Singh, Dr. Rajkumar Jisme Singh, Dr. Mahes Trngli, Dr. Lips Deb, Dr. Vennila M lem bad ka kong Marian Maring President ka Kynhun Ri-Lajong Farmer Producer Organisation bad u  P.S Toor Vice President.