Nongpoh, Nohprah 29: Ka Federation of Khasi Jaintia and Garo People (FKJGP) Baridua Circle mynta ka sngi ka la leit ban ai sngewbha da ka Wheel Chair sha u wei u Rangbah u bym lah ba iaid ban ieng na ka daw ka jingban ka jingpang la bun snem mynta.

Ha kane ka sngi, na ka liang ka FKJGP ki la iarap ruh da ki mar bam sha ka ïing jong une u rangbah  bad sam ruh ia ki jain blanket sha ki katto katne ki nongshong shnong ka Umbuda Killing ha Ri Bhoi.

Haba leit ban sam ia kitei ki marbam bad ki jain blanket ryngkat katei ka Wheelchair la ialam da u President u Bah Denis Nongrum, u General Secretary u Bah Allan Donald Sohpdang, ha kaba ki la pynpaw ka jingkmen haba ki ioh ka lad ban iarap iakum kine ki longing ki ba donkam shi sha ka jingiarap bad ki la kular ruh ba nangne sha khmat katba lah la ka bor ka seng kan nang iai bteng ban iaki jingiarap sha kum kine ki longing.

Shuh naka liang ki nong ialam ki la kyrpad iaki nongshong shnong ba lada don kino kino ki jingeh kin pyntip sha ki dkhot jong ka seng khnang ba kin ioh ban wad ia ki lad ki lynti ban iarap iaki ,da ka jingiatrei lang bad ki paidbah ka seng ruh ka lah ban wanrah shibun ki jing kylla khamtam iaki shnong ki ba don kham sha kyndong kiba dang donkam shibun ki lad jing iarap, ki la bynrap.