Shillong, K’lyngkot 13: Tang hadien ba la sapriang kawei ka dur khih ha ki rynsan social Media bapher bapher ba uwei u briew ba la kynnoh ba u dei u Pulit Meghalaya u la pyni bor bad kren khlem akor ia ki nongwan shangkai pyrthei na Silchar bad dawa pisa jubor jubor ruh na kitei ki briew, ki Pulit ka Meghalaya lyngba u DIGP ka Eastern Range ki la shim khia mardor ia kane ka kam na ka bynta ban pynlong ia ka jingtohkit kaba bniah.

Kumba la pynpaw da u DIGP ka Eastern Range u V.S Rathore, la pynshai ba utei u briew un lah ban nym dei u Pulit Meghalaya, hynrei wat la katta ruh kum kine ki kam beain yn nym lah ban pdiang ha ka imalang ka sahlang bad na ka liang ka tnad pulit kan nym map bad kan leh bein katkum ki kyndon jong ka ain.

U DIGP ka Eastern Rage kumba la pynpaw ha ka rynsan social Media, u la pyntip ba u la dep ban hukum ia u SP k a East Khasi Hills ban pynlong ia ka jingtohkit kaba mordor bad la khmih lynti ba ia ka kaiphod jong katei ka jingtohkit yn sa ioh pdiang mynta ka jamiet bad ruh ban pynshitom mardor katkum katei ka kaiphod jong ka jingtohkit.

Shuh shuh, u la pynpaw, ba ka tnad Pulit ka pan map bad ka pynpaw ruh ka jingsngewkhia kaba jur  halor kane ka jingjia ba kum ka tnad Pulit ka la dep ban shim khia mordor.