Shillong, K’lyngkot 30: U Myntri ba de peit ia ka tnad ka koit ka khiah u Bah Wailadmiki Shylla mynta ka sngi Thohdieng u la pynbna ba ka sorkar ka la dep ban pynlait ia baroh ki pisa ba dang sah teng (Pending incentive) jong ki 7000 ngut ki Nongtrei ASHA hapoh ka jylla.

“ Ngi la dep ban pynlait lut ia ka pisa jong ki nongtrei ASHA” ong u Bah Shylla bad bynrap ruh ba hadien ba la pynlait ia kane ka pisa ba dang sah jong ki nongtrei ASHA katkum ka jingtip jong u, ma ki ruh ki la sangeh noh ia ka jingiakhih jongki” u labynrap.

Haha kylli da ki nongthoh khubor, hadien ba la pynlait ia katei ka pisa ba dang sahteng jong ki Nongtrei ASHA, u Bah Wailadmiki Shylla u la iahtuh ruh ba dang don katto katne ki bynta kiba dang sahteng  jong ki nongtrei ASHA bad kam dei pat ka daw na ka tnad ka koit ka khiah bad ka dei hi na ki, ha kaba wat ma ki ruh ki tip ia kata ha kaba ki la sangeh noh ia kata ka jingiakhih.