Nongpoh, K’Lyngkot 30: U Myntri ka tnad ka koit ka khiah ka jylla u Wailadmiki Shylla u la ong ba ka sorkar jylla ka dang ap ïa ka kaiphod na ki nongai jingmut halor ka rukom kaba bha tam ban pyniaid ïa ki kali 108 haka jylla Meghalaya.

Ngi la buh katto katne ki nongai jingmut ba shano ngin pyniaid ïa kine ki 108. Ngi dang ap ia kata ka kaiphod, la ong u Bah Shylla sha ki nongthoh khubor haka sngi thohdieng.

Haba kylli shaphang ka bainong ba dang sah ban hap ban siew sha ki nongtrei naka liang utei u myntri u la ong ba haduh mynta um pat ioh kano kano ka file bad ngin pynthikna ban peit bñiah ïa kata ruh.