Shillong, Rymphang 02: Ka ophis ka District Magistrate East Khasi Hills District lyngba ka kyndon Section 163 BNSS, 2023 kala pynmih iaka hukum ba la mana ban wanrah ne ban pynpoi ki jait dohkha naka Ri Bangladesh khlem da biang ki kot ki sla.

Ka hukum ka mana ba ym shah ban pynpoi iaki jait dohkha hapoh East Khasi Hills lyngba ki kali, ki lieng ne da kano kano ka rukom.

Kane ka hukum ka wan hadien bala ioh jingtip ba ka don ka jingpoi beain iaki jait dohkha na Bangladesh haki ki thain khappud lyngba ki wah, ki surok bad ki iew ki hat.

“Ka jingpynpoi iaki dohkha napoh ka Ri Bangladesh ka long beain ban pyrshah iaka Customs, Import-Export bad kiwei ki ain jong ka Food Safety” la ong ka hukum.

Ka hukum ka kdew ba ka jingpynpoi iaki jait dohkha napoh ka Ri Bangladesh khlem da shah eksamin shwa ka lah ban buh jingma iaka koit ka khiah ki paidbah nongthied nalor ka jingshah ktah iaki nongri Dohkha trai Jylla bad ka lah ruh ban ktah iaka khajna jong ka Sorkar.

“Kino kino kiba pynkhein iaka hukum kin shah pynngat haka kyndon Section 223 jong ka BNS, 2023 bad kiwei ki kyndon ain kynthup ka ain Customs Act, Foreigners Act, Passport Act etc” la kdew ka hukum.