Shillong, Rymphang 2:  U Myntri sorkar ka jylla ba dei peit ia ka tnad Community & Rural Development u Bah Sosthenes Sohtun mynta ka sngi u la iaroh ia ka jingwan rah ka sorkar pdeng ia ka VB-G RAM G Act, 2025, da kaba ong ba kane kan dang ai jingmyntoi shuh shuh ha ka liang ka ioh kam ka ioh jam jong ki nongshong shnong ha ki shnong nongkyndong ka jylla Meghalaya.

U la ong ruh kane ka skhim thymmai ba la pynkylla kyrteng na ka skhim MGNREGA sha ka VB-G Ram G Act, 2025, kan ai shisha ia ka jingmyntoi ia ki paidbah ka jylla, ha kaba la pynkiew iaka kam bylla sngi na ka 100 sngi sha ka 125 sngi, bad nalor kata la pynkiew ruh ia ka jingmang pisa na ka 1200-1500 sha ka 2000 klur.

“Ka sorkar jylla ha kane ka skhim thymmai ka la ioh nong ruh shibun, namar na ka 25% ba ka hap ban siew ia ki bai mar bai mata ha ka MGNREGA bad mynta ha kane ka skhim ba thymmai bad bad la pynkylal kyrteng ka sorkar jylla ka hap bans iew tang 10% na ka bynta ki bai mar bai mata, ha kaba kane kan ai jingmyntoi shibun eh ia ki nongbylla sngi (Job Card Holders)” ong u Bah Sohtun.

Shuh shuh, u la ban khia ruh ba dei ban don ka jingpyntreikam hok ia kane ka skhim, da kaba ailad ia ki VEC bad ki nongbylla sngi ba kin pyniaid beit ia ki rukom treikam ia katei ka skhim bad ruh ban lait na ka jingpyndonkam bakla ia kane ka skhim.