PYNÏAP KI PULIT FOREST 2 NGUT KI NONGSIKAR HA LAOKHOWA WILDLIFE SANCTUARY

Nagaon, Jylliew 22: 2 ngut ki nongsikar mrad kila shah pyniap haki pulit jong ka tnad Forest ha ka khlaw Charaihagi kaba hap ha Laokhowa Wildlife Sanctuary ha Nagaon, Assam.
Katei ka jingjia kala jia hynnin ka miet ha kaba naka liang ki pulit kila lap ba kitei ki nongsikar mrad ki dang shalan beaiñ ïaka dohkha ha ka pung Rowmari kaba don ha katei ka khlaw.
Kitei ki 2 ngut ba la shah pyniap ki dei ruh shipara bala tip kyrteng kum u Jalil Uddin bad u Sameer Uddin na Dhingbari Chapari.
Naka liang ki pulit ka tnad Forest kila kynduh ruh ïa kitei ki 2 ngut haka por ba ki pynlong ka jingpeitngor ïa katei ka jaka kaba la lam ruh sha ka jingkajia haduh ba kitei ki 2 ngut kila shah siat iap.
Ïa ka met jong kitei ki 2 ngut la rah noh sha Nagaon Hospital hynnin hi ka miet bad ban tem ïaka jinglong jingman bad kano kano ka jingshah thombor naka liang ki bor pulit bad kumjuh ruh ki pulit ka tnad forest kila syrtap ha katei ka jaka ban nym don kano kano ka jingkajia ka ban mih hadien.