Shillong, Lber 03: Sa kumba shi bnai eiei ba ka Ilekshon MDC ban biej ia ki nongmihkhmat sha ka Garo Hills Autonomous District Council (GHADC), ka Bharatiya Janata Party (BJP), mynta ka sngi, ka la pyllait paidbah ia ka kyrteng jong 19 ngut ki Kyrtong ki ban sa iakhun ha kane ka Ilekshon MDC ha Ri Lum Garo.

Ia ka kyrteng jong kitei ki 19 ngut ki Kyrtong ka BJP, la pynbna paidbah mynta ka sngi, da u Bah Wankitbok Pohshna, uba dei u General Secretary ka BJP ha Meghalaya.

Ka kyrteng jong kitei ki 19 ngut ki Kyrtong MDC ka BJP, ki kynthup ia lai ngut ki MDC ba mynta ha GHADC, kita ki kynthup ia u Benard N Marak, MDC na Tura, u Mark Pantora M Sangma na Siju lem bad u Akki A Sangma na Barengapara.

Ka kyrteng jong kiwei pat ki Kyrtong, ki kynthup ia u Wilnath T Sangma, u ban sa aireng na Amongpara, u Repsin M Sangma na Dengnakpara, u Drojil D Sangma na Boldamgre, u Salibirth M Sangma na Nogorpara, u Bhupandra Hajong na Zikzak, u Hiralal Koch na Betasing, u Jeberth M Sangma na Rochonpara, u Rikse K Marak na Balachanda, u Clement Marak na Batabari, u John Keats Sangma na Shyamnagar, u Rahinath Barchung na Naguapara, u Barning Marak na Rongrong, u Sengpan K Marak na Bolsong, u Bikash G Momin na Damas, u Sengsrang R Marak na Kharkutta lem bad u Charles T Sangma na Samandagre.

Kum ban shu kdew hangne, ba ha Garo Hills Autonomous District Council, ki don 30 tylli ki Constituency bad ka BJP ha ka jingpyllait kyrteng kaba nyngkong, ka la pyllait tang ia kitei ki 19 ngut ki ban long kum ki Kyrtong MDC na ka BJP.