Shillong, Lber 24: ka da long shisha ka khubor kaba pynkmen ia ki paid Garoi ha Rilum Garo, ha kaba mynta ka sngi u Lat ka jylla u CH Vijayashankar , u la ai ka jingmynjur ia ka jingpynkylla ia ka ain (Amended Rule) ba thymmai ka AD rule, ba dei ban don ka syrnod ST ia kino kino ki kyrtong kiba ia khun ha ka election MDC ha Garo Hills Autonomous District Council (GHADC).
“Nga ai ka jingkhublei kaba kyrpang ia u Lat ka jylla, uba la mynjur ia katei ka jingpynkylla ia ka AD Rule, ba ki kyrtong kiba iakhun iaka election MDC ha GHADC ki de ban don ka syrnod ST” ong u Myntri rangbah ka jylla u Conrad K. Sangma.
Kine ki la urlong ka dei hadien shi sngi ba ka NPP ba la ialam ia ka sorkar ha GHADC ka la pynkylla thymmai ka AD Rule ba ki kyrtong kiba ia khun ia ka election MDC ha GHADC ki dei ban don ia ka syrnod ST ha kaba la tehlakam nyngkong eh ia ki kyrtong ba dei ban don ia ka syrnod ST naduh ba la wan rah ia ka GHADC ha u snem 1952.
Kane ka jingangnud ki paid Garo ka la urlong ruh kadei hadien ba ka sorkar jylla ka la shim ia ka rai ban pynjlan shuwa ia ka election MDC ha GHADC haduh 6 bnai, kaba dei hadien ba la mih ka jingiakynad kaba jur na ka jingkhang pyrshah ia ki bym dei ki riewlum ban iakhun ne thep vote ha ka election MDC ha GHADC ba la pynbeit ban pynong ha ka 10 tarik u Iaiong 2026.
