Nongpoh, Lber 25: Ki Nongialam ka BJP Meghalaya Kisan Morcha ha ka 23 tarik u Lber 2026 ki la hiar sha ka Shnong Bilpara ba hap ha Jirang Constituency na ka bynta ban dang pynkhlain ia ka jingtreikam bad ruh ban pynrung dkhot ia ki nongshong shnong ha ka Kisan Morcha kaba dei ka kynhun ka BJP party ba peit kyrpang na ka bynta ki nongrep.

Ha katei ka sngi la ialam da u President ka BJP State Kisan Morcha u Bah Duruth Majaw, u General Secretary u Paralad Toor ha ryngka ka jingdon lang ki nongialam ba kynthup ia u Bah Jinon Syngkli, u Bah Simon Lapang, u  B Boro Rangbah Shnong lem bad kiwei de.

Kane ka jinghiar ka BJP Meghalaya State Kisan Morha sha katei ka shnong ym tang ban pynrung dkhot ia ki nongshong shnong ha ka Kisan Morcha, hynrei kitei ki nongialam ka Meghalaya State Kisan Morcha ki la ai ka jingpynshai ruh halor ka thong jong ka sorkar BJP ban phaikhmat sha ki nongrep naka bynta ban kyntiew iaki kam rep ki kam riang.