Shillong, Jylliew 24:
Ka jingdih kyiad bad niah kali ha ka jingshoh khawyiang kadei kawei na kidaw kaba ju wanrah bunsien ia ki jingjia ba sngewsih bad ka jingduh noh iaki mynsiem briew khlem dei por. Kumba ka jylla Meghalaya, kidei ka ri kum bad ki surok kiba don ha ka, kidei kiba khongwain bad kiba khim, ka jingniah khlem akor, ka jingdih buaid bad ka jingpynher sted, bunsien ka ju pynlong ia u nongniah haduh ba um lah shuh ban tehlakam iala ka kali bad ngat ha ki jingjia ba sngewsih.
Halor kane ka bynta, na ka liang jong ka tnad pulit ka Jylla, ka la pynmih ia ka jingmaham sha ki paidbah nongleit nongwan, ba haba ki niah kali bad iaid lyngba lyngba ki lum jyrngam kiba itynnad bad ki surok ba khongwain, kidei ban kynmaw diang diang, ba ki hap ban poi sha ki jaka ba ki thmu ban leit, namar ka kyiad bad ki surok khongwain, ki riat bah kim ju iadei satia.
Kumta la kyntu ia ki paidbah ba kim dei satia ban dih kyiad ha ka por niah kali bad ba kidei ban long kiba don ia ka jingkitkhlieh ban iada ialade, kiba shong lang bad ki bad ruh ia kiwei de kiba pyndonkam lang ia ka surok, khnang ban lait na kino kino ki jingjia ba sngewsih.
Ha kane ka juh ka sngi, u Conrad K Sangma u la kynduh ruh ia u myntri ba dei khmih ia ka tbad Commerce & Industry ka sorkar pdeng, u Piyush Goyal ha kaba ki la ioh ban iakren bad iamir jingmut halor ki sienjam bad ki lad ki lynti ban kyntiew ia ka jylla haki ba bun ki liang jong ki kam pynroi.
