New Delhi, Jylliew 24: U Myntri Rangbah duh ka Ri India mynta ka sngi u la bam smai kum u Member of Parliament haka sien kaba lai haka sngi sdang ka Dorbar jong ka lok Sabha mynta ka sngi ryngkat kiwei kiwei ki MP.
Ka Dorbar kala sdang ruh hadien ba ka President jong ka ri India ka Droupadi Murmu kala pynbam smai ïa u Bhartruhari Mahtab kum u Pro tem Speaker bad naka liang u Mahtab u la shim pat ka jingpynbam smai ïa u Myntri Rangbah bad kiwei kiwei ki MP kiba la shah jied ban mihkhmat sha ka iing Dorbar Lok Sabha.
Naka liang ka liang pyrshah hapoh ka kynhun jong ka India Bloc kala pyni ruh ïaka jingkhlaiñ bor jong ka liang pyrshah, ha katei ka sngi sdang jong ka dorbar da kaba pynmih ruh ïaki ishu kiba la ktah ïaki khun samla haka ri khamtam ka jingkynnoh ba lait tuh ki jingkylli ka eksam NEET-UG bad kumjuh ruh ka NET bala kynnoh ba ka don ka jingbamsap bad ka jinglehtuh kaba shyrkhei.
SDANG KA DORBAR LOK SABHA, BAM SMAI U MODI BAD KI MP, PYNI BOR KI LIANG PYRSHAH HAKA SNGI SDANG
