Shillong, Iaiong 01: Haba kren sha ki lad pathaikhubor mynta ka sngi ha Nongbah Shillong, u Conrad K. Sangma, Myntri Rangbah ka sorkar jylla, u la ong ba ka jingpyntrei ia ka LPG Bottling Plant ha shnong Umiam, Ri Bhoi, ka dang iaid shaid shaid bad kumba ka long mynta, ka la jan dep bad shen yn sa ioh ban plie noh ia ka.

U Conrad K. Sangma, u la ong ruh ba katei ka Projek ka dei kaba la kham slem ha ka jylla, hynrei dei hapoh ka jingialam ka sorkar MDA, kaba la shimkhia ban pyndep ia katei ka Projek bad kumba ka long mynta, ka jingpyntrei ka la iaid shaid shahid ba shen yn sa plie noh ia ka.

Haba kren halor ka jingkyrduh Gas ha ka jylla, u Conrad K. Sangma, u la ong ba kumba ka long mynta ka don ka jingkyrduh ha ki Commercial Gas ne ki Gas kiba pyndonkam ha ki dukan, namar kane ka dei kaba la ktah ha kylleng ki jylla hapoh ka ri, hynrei haba iadei bad ki Gas ba shet jingshet ha ki iing ki sem, la lah ban pynbiang, kampher ba watla don ki jingduna kiba khyndiat khynsoit.