Shillong, Ïaïong 02: Ki Pulit ka East Khasi Hills tang hadien ba ki la ioh ba kem ia u Kennedy Khongsit, 32 snem ka rta halor ka jignkynnoh don kti ban pyniap ia u heprit ba 7 snem ka rta bad mynta ka sngi ki la rah noh ia u sha ingkashari na ka bynta ban shah bishar.
Na ka liang ki Pulit hashuwa ban rah sha ingkashari ki la rah shuwa ia u Kennydy Khongsit sha Civil Hospital Shillong ban leh ia ka medical check up bad hadien kata la rah noh ia u sha ingkashari na ka bynta ban tiar bishar.
Kum ban pynkynmaw, u heprit ba dang 7 snem ka rta na Nongrah Lummyrboh u la jah na la ïing ha ka janmiet jong ka 8 Tarik u Risaw 2025, bad ha ka sngi kaba bud la lap pat ia ka met iap jong u heprit na rud surok ka khlaw kaba don ha Mawpat bad hadien 6 bnai jongka jingtohkit ki Pulit la ioh ban kem ia utei u runar uba la kynoh don kti ban pyniap ia une u heprit.
Kumba la iathuh da u SP ka East Khasi Hills, u Vivek Syiem, la ong ba mynta ka sngi hadien ka jingbishar ia u Kennedy Khongsit ha ingkashari, ki Pulit ki la pan por 12 sngi na ka bynta jingtohkit bad na ka liang ka ingkashari ka la ai por tang 8 sngi ban tohkit ki pulit ia une u runar ba la kynnoh don kti ban pyniap ia utei u heprit.
