Nongpoh, Ïaiong 08: Kawei ka Trok ba kit Lyntang ka la hap syndon sha riat bah katba ka dang poi ha ki bynta jong ka surok ha Tasku, ka surok kaba pynïasoh na Patharkhmah sha Umling.

Katkum ka jingioh lum jingtip la ong ba kane ka Trok ka dang mh na ki thain Western Ri Bhoi ban wan sha Umling, hynrei khlem poi pyrkhat kane ka trok la kylla kynsan hadien ba poi ha Tasku.

Ka tyllong khubor ka ïathuh ruh ba kane ka jingjia ka la jia hynnin ka janmiet  katba ka dang ïaid ha ka surok ba la ther u lapbah bad khlem poi pyrkhat ka la shu kylla bad hap syndon sha riat bah.

Ha kane ka jingjia ym pat shym la ioh jingtip la u Dribar u la mynsaw ne u lait im, hynrei katkum ka jingsakhi halor kane ka jingjia katei ka Trok ka la julor bad ka lyntang kaba ka kit ki la hap lut sha madan hadien ba la hap sha katei ka riat bah.