Nongpoh, Ïaiong 09: Ka National Highways & Infrastructure Development Corporation Limited (NHIDCL) mynta ka sngi kala aiti da ka Ambulance sha ka bor district jong ka Ri-Bhoi bala mang kyrpang lyngba ka skhim CSR hadien ka jingkyrpad jong bor district.

Ïa katei ka Ambulance la pynlait paidbah mynta ka sngi da u Abhilash Baranwal Deputy Commissioner ka Ri-Bhoi District, ha phyllaw jong ka ophis u DC haka jingdonlang u Bah Jonathan Shylla Additional Deputy Commissioner, ka Dr AR Marak DMHO, Ri-Bhoi District, Kunal Barua, General Manager (P) ka NHIDCL bad kiwei kiwei.

Haba kren sha ki lad pathai khubor naka liang u Abhilash Baranwal Deputy Commissioner ka Ri-Bhoi u la ong ba hadien ka jingkyrpad jong ka bor district sha ka NHIDCL kaba dang bteng ruh ban pyntrei ïaki kam pynroi haka jylla ban kyrshan ïaka bor district kaba dei ruh ka Aspirational District da ka Ambulance bad kiwei kiwei ki kam pynroi bad ïa katei ka Ambulance la aiti sha ka tnad DMHO ban pynïaid namar ïa katei ka Ambulance la thmu ban buh ha ka State Dispensary kaba don ha Umiam.