Nongpoh, Ïaïong 11: Ban ai rynsan ïa ki samla ka shnong ban sei madan ïa ki sap ki phong ha ka jingïalehkai phutbol, ka Umsaw Nongbri Youth Club Cum Library Center mynta ka sngi kala ioh ban plie pyrda ïa ka ‘2nd Enter Dong Lnockout Footbal Tournament na ka bynta ki khynnah kiba hapoh ka 15 snem ka rta.
Ïa kane ka tournament la wan ban plie pyrda da u Bah Alberto Nongsiej President ka RBYF Nongpoh Circle kum u kongsan bad la sakhi lang da ka jingdon lang u Bah Spanding Synthem, Rangbah Dong, u president j ka Club u bah Freeman Pamshong, General secretary u bah Riphangsngi Maphniang bad kiwei kiwei ki dkhot ka Club.
Ha kane ka sngi la ïakhun hapdeng ka Dong Lum Umsawnongbri pyrshah ïa ka Dong Mushah na Kbet bad ha ka jingïakhun naduh ka kylla step haduh ka kylla miet, ka Dong Mushah na Kbet ka khur ïaka jingjop da kaba pynrem da shi kol la nod pyrshah ïa ka Dong Lum na Umsawnongbri.
Lyngba jong kane ka sngi la ai jingkren ruh da kitei ki riew rangbah bad ki nongïalam, ha kaba ki la ai mynsiem ïa ka Club kaba la pynlong ïakane ka tournament shi bynta ban kyntiew ïa ki samle bad ki heprit ban kiew shaphrnag ha ka jingïalehkai phutbol.
