Khliehriat, Ïaïong 13: Ka Khasi Authors Society (KAS) mynta ka sngi ka la dang ioh ïa ka jingkyrshan na kiba bun ki seng bhalang bad ki nongïalam ha ka jingïalang ba la pynlong da ka Khasti Authors Society Khliehriat Unit ha Wika Parking Lot ha Khliehriat ha East Jaintia Hills, kiba dei shi bynta ban dawa na ka sorkar ban pynbna ba ka Ktien Khasi kan dei ka ktien pdeng (Official Language) ha ka jylla.
Kum ban pynkynamw, ka Khasi Authors Society ka dei ka kynhun jong ki riew khraw pyrkhat na ka jylla, kaba la mih shakhmat na ka sorkar ban pynlong ïa ka ktien Khasi kum ka ktien pdeng ha ka jylla bad ruh ba la dawa na ka sorkar pdeng ban pynrung noh ha ka khyrnit kaba 8 jong ka riti sysnhar ka ri.
Da ka jingpynlong ïa kane ka jingïalang, ka Khasi Authors Society ka la dang ioh ka jingkyrshan na kiba bun ki kynhun naduh ka Khasi Students’ Union, East Jaintia Hills District, Jaintia Students’ Movement, Hynniewtrep National Youth Front, Jaintia National Council, Hynniewtrep Youth Council, FKJGP bad kiwei kiwei ki riew pawkhmat na East Jaintia Hills.
La sakhi lang ruh ha kane ka sngi da ka jingdon lang u Principal ka Jaintia Eastern College u Bah P. Nongtdu, u Bah Justin Dkhar Rangbah Shnong ka Khliehriat bad ruh u Dr. DRL Nonglait, uba dei u President ba rangbah ka Khasi Authors Society lem bad ki dkhot jongka.
Kiwei kiwei ki Nongmihkhmat na ki skulbah kiba la don lang ki kynthup na Jaintia Eastern College, Don Bosco Byndihati College, Khliehriat Higher Secondary School, Khliehriat Presbyterian School, Rymbai Presbyterian School, bad ka Dkhiah Presbyterian Secondary School.
Haba kren ha kane ka sngi , na ka liang u Preisdent ka Khasi Authors Soicety, u Dr. DRL Nonglait, u la kren halor ka histori ka India, ba ka 8th schedule ka riti sysnhar ka ri, ka la wan rah ïa ka jingithuh ïa kiba bun ki jaid ktien bapher bapher ha ka rr. Ha u snem 1992, la khmih lynti ba ka Ktien Khasi kan rung lang, hynrei namar ka jingbym lah ka sokar ban shim khia halor kane ka bynta ka la shukut noh bad ha kitei ki snam dei tang ka ktein Bodo kaba la ioh run ha katei ka khyrnit kaba 8 jong ka riti synshar ka ri.
Shuh shuh, u la ong ruh ba ka sorkar ka la dei ban shim khia bha ïa kane ka phang lyngba ka tnad political sha ka Ministry of Home Affairs. Lada ki shim ba ka ktien khasi ka long kaba donkam, kane ka mat kan lah ban poi ha Lok Sabha, u la ong. U la ïathuh ruh ba ka Khasi Authors Society ka la sdang ïa ka jingïakhih ne ïaid padibah ha Shillong ha u snem 2017, ha kaba kane ka dei ka mat ba kongsan tam jong ka jaid byrniew.
Lyngba jong kane ka sngi, ka Khasi Authors Society, ka la dang ioh ïa ka jingkyrshan kaba radbah na kitei ki seng bhalang bad wat na kitei ki skul ne ki Kolej bapher bapher, namar kane ka mat ba la rah da ka Khasi Authors Society ka dei ka mat kaba donkam tam na ka bynta ka jaid bynriew Khasi-Pnar.