Mumbai, Jylliew 25: U Tynshop ba pawnam ka ri India ha ka Bollywood u Anil Kapoor, u la mih shakhmat ban pynpaw ia ka jingsngewkhia kaba khraw halor ka jingnang kiew bad am dor heh da ki tyngshop bad puron ban shimbynta ha kaban ak phlim kiba thymmai.
Ia kane ka jingsngewkhia, u Anil Kapoor u la pynpaw hadien ba u la shimti ban long kum u nongpyniaid ia ka Big Boss OTT3, ha kaba u kren beit phakk ba kane ka jingkiew ka dor ban shimbynta jong ki tynshop bad puron ka pynkhuslai ia ki nongshna phlim ha Bollywood.
Dang shen, ia kum kane kajuh ka jingsngewkhia la pynpaw ruh, da ki nongshna phlim ba pawnam kum u Anurag Kashyap bad u Karan Johar kiba la dep ban shna bad pynlait ruh ia ki phlim kiba itynnad hapoh Bollywood, ki la pynpaw ba ka jingrem ka dor jong ki tynshop bad puron ka wanrah jingeh shikatdei ia ki nongpynmih phlim namar saba ka iew ruh ka kham duna mynta ki por bad ka shem jingeh ban pynmih ia ka jinglut jingsep ban shna phlim.
U Anil, dang shen haba ia kren bad ruh bad kawei lad pathai khubor, ka Indian Xxpress,u la rah ia kane ka mat kaba kongsan ba ju mad da ki nongshna phlim ha Bollywood namar ka jingdawa ne am dor heh da ki tyngshop bad puron kaba pynkhia jingmut ia ki nongshna phlim bad ruh ka pynduh jingkyrmen ia kiba bun ki nongshna phlim kiba la paw ha ka ri India bad ha Bollywood, da kaba bynrap ruh, ba ha ki por jong u ha ki snem ba la leit noh, u la shimbynta ha ki phlim kiba iaid iew khlem da shim pisa ne am dor kaba heh, hynrei ka shong pat ha ki trai ne nongshna phlim katno ki sngewbit ban siew na ka jingiohnong.
