Shillong, April 25: Ha kawei na ka jingjia kaba la ktah bad pyntieng pynsyier ïa kiba haing ha sem, kawei ka Longkmie ba 27 snem ka rta kaba la jah na Guwhati, Assam hynnin ka sngi Thohdieng la lap noh ïa ka mynta ka sngi ha Shillong.

Kane ka Longkmie la tip kyrteng kum ka Bhavana Sarma kaba la mih na laïing ha Tetlia dang step ha ka sngi Thohdieng ban pyndep ïa ki Kam, hynrei tang hadien katto katne por ka la phah da ka message sha kiba haïing ba ka don hapdeng ka jingma bad tang hadien ba la phah ïa ka message la switch off noh ïa ka Mobile Phone kaba la dang pyntieng ïa kiba haing ha sem.

Katkum ka khubor ba la ioh lum, la ong hadien ba la ioh pdiang ïa ka message ba ka la ïathuh ba ka don hapdeng ka jingma, ki leit ujor ejehar noh mardor sha Jalukbari Police Station, ha kaba ki Pulit ki la shim khia mardor ban pynlong ïa ka jingtohkit halor kane ka jingjia.

Ha ka jingbteng Ki pulit ban tohkit ïa kane ka Riew Longkmie kaba la jah, ka la ai mynsiem ïa ki bahaing ha sem hadien ba ki Pulit lyngba ka jingtwet kaba jur lyngba ki kor ki bor la lap ba ka don ha Kamra ha Polo Ground Shillong bad ba la lap ruh ruh ïa ka ba ka don hapng ka jingithaid I jrem. Hadien ba la lap ïa kane ka Longkmie la pyntip ruh mardor ïa ki pulit ka Shillong halro akne ka jingjia bad kiba la shim khia ban ïa trei lang na ka bynta ka jingothkit kaba kham bniah.

La ong ruh hadien ba la lap ïa kane ka Longkmie, ki Pulit na Guwhati ryngkat ki ba haïing hasem ki la wan sha Shillong na ka bynta ban shimti biang ïa ka khlem kano kano ka ka jingma bad ka jingmynsaw.

Shuh shuh, la ïathuh ruh ba ki Pulit haduh mynta kim pat lah ba tip ïa ka daw tynrai ba la jia ïa kane ka Longkmie bad ka jingtohkit ka dang ïaid shakhmat.