Nongpoh, Ïaiong 30: Ka Meghalaya Power Generation Corporation Limited(MEPGCL) haka jingiatreilang bad ka District Disaster Management Authority (DDMA), Ri Bhoi District, Nongpoh, Meghalaya, hynne ka sngi ka la pynlong ïaka Pre-Monsoon Mock Drill on Dam Safety: Flood Preparedness ka program kaba ai jinghikai ïaki paidbah kumno ban ïada ia lade bad ban ai jingiarap ïaki Briew kiba shah ktah naka jingshlei um khamtam haki por jur slap.

Ha kane ka Mock Drill la sakhi ïaka jingsdang na Umïam State-1 Dam dakaba pynlait ïaka Um jong ka Umïam namar ka jingkiew sted jong ka um ha katei ka Dam, bad kum ka jingpyntip paidbah ba kin long kiba husiar naka liang ki Nongtrei ki la Pynpah shwa iaka siren shikynta shuwa ban pynlait iaka um.

Hadien nangta, Ïaka Mockdrill kaba ar la bteng haka Shnong Umden Arka hakaba la sakhi kiba bun ki la shah ktah na katei ka um don kiba la mynsaw bad don kiba la ngap jyllop bad shah rong ha katei ka wah. Naka liang ki kynhun Special Rescue Team SRT, Ka Kynhun SDRF, Ki Civil Defence bad kiwei kiwei ki kynhun ai jingiarap kyrkieh ki la poi ha katei ka wah ban ïarap ia kitei kiba la mynsaw bad ban Pynlait im ia kiba shah rong ha ka wah kaba la long ruh kum ka jinghikai iaki paidbah kumno ban leh haba wan jia kum kitei ki jingjia.

Ha katei ka jinghikai la pyni ba kumno kiba bun ki duh noh ia la ka jingim tang namar ka jingbym patiaw ïala ka jingim wat la naka liang ki bor District ki la bthah ban long kiba phikir ha kipor ba lynshop ka Mei Mariang katba ïa kiba mynsaw la rah daka Kali kit nongpang sha ki jaka ba la pynkhreh ban pynïoh iaki jingsumar kiba kyrkieh.

Ha kane ka Jinghikai kane ka Mockdrill la ïawan ban ia shimbynta bynta daka kynhun SRT, SDRF, Civil Defence, Home Guard bad kiwei kiwei bad la sakhi lang ruh daka jingiadonlang u Bah Korbarlang.Thangkhiew, Director Generation, MePGCL, Shillong, Bah Jonathan Mawthoh DDMO, DDMA.Ri Bhoi, Bah PH Shylla, Directorate jong ka Home Guards bad Civil Defence, Dr Remika Talang BDO Bhoirymbong.